आफ्नै भन्ने मान्छे दुष्ट हुन्छन यँहा ।

आफ्नै भन्ने मान्छे दुष्ट हुन्छन यँहा ।
नेताहरु भत्ता पाए पुष्ट हुन्छन यँहा ।।

तँछाड मछाड खुट्टा तान्ने प्रबृतिले यो ।
पापी जति मर्नेबेला कुष्ट हुन्छन यहाँ ।।

गरिबलाई लत्याउने बिकृत समाजमा ।।
सानालाई हेप्नपाए सन्तुष्ट हुन्छन यँहा ।।

आज छोडी भोली गर्छौं भन्छन नेताहरु ।
समय थप्न फेरी एकमुष्ट हुन्छन यँहा ।।

सहमति खोज्दै भेलाहुँदा संसदमा हेर्नुस ।
मिल्योभन्दा फेरी असन्तुष्ट हुन्छन यँहा ।।
...................

कमल पौडेल {कल्पित शखा }
बाणगंगा ५ कपिलबस्तु