समस्याका ठूला ठूला प्रखाल हुनुपर्छ ।भनिन्छ धनि बन्नलाई कंगाल हुनुपर्छ ।।
परिबर्तन गर्नलाई तपस्या गर्नैपर्ने हुन्छ ।
खैराबैला उथलपुथल अनि धमाल हुनुपर्छ ।।
अत्याचार दुराचार अनि भ्रष्टाचार हटाउन ।
एक दुई होईन लाखौँको बगाल हुनुपर्छ ।।
भनिन्छ धर्तिमा युगपुरूष जन्मीनको लागि ।
अलौकिक शक्तिको अनौठो कमाल हुनुपर्छ ।।
आजपनि अहिँशा मच्चाउने कोही होईन ।
आशुरी त्यो रावणको नजिकी दलाल हुनुपर्छ ।।
मान्छे मर्लान सहिद बन्लान ठिकै छ ।
तर यँहा देश बन्नलाई बबाल हुनुपर्छ ।।
कमल पोडेल "कल्पित शखा"
कपिलबस्तु हाल भारत
20-05-2013
0 comments:
Post a Comment